လိင်တူအခွင့်အရေးအပေါ် မူဆလင်များ နုတ်ဆိတ်နေခြင်း

ညိုထက်အောင်

မူဆလင်ဘာသာဝင်တို့ရဲ့ မြင့်မြတ်တဲ့ လ၊ လက်တင် ညနေခင်းတခုမှာ အာဖဂန် အမေရိကန်တဦး ဂေးကလပ် တခုဆီ လျှောက်ဝင် သွားခဲ့တယ်။ ကျနော့် စိတ်ထင်တော့ အမေရိကန် တစ်နိုင်ငံတည်းမှာသာ တွေ့နိုင်၊ မြင်နိုင်တဲ့ လူမျိုးပေါင်းစုံ စုဆုံကြ၊ တဦးအပေါ် တဦး သည်းခံကြ၊ အတူတွဲပြီး နေထိုင်ကြတဲ့ ရောသမမွှေ ကြီးကျယ်တဲ့ ဇာတ်လမ်းတခုရဲ့ အစတခုလို့ ထင်မှတ်ခဲ့တယ်။ လက်တွေ့မှာတော့ စိုးရိမ်သောကတွေ၊  သံသယပွားမှုတွေကို ခါးစီးခံလာရတဲ့၊ မျိုးဆက်တစ်ခုရဲ့ နာကြည်းဒေါသတွေကို ရင်ဝယ်ပိုက်ထားတဲ့ လူအုပ်ထဲက လူသားတဦးရဲ့ အမုန်းတရားတွေနဲ့ ကျူးလွန်လိုက်တဲ့ အိပ်မက်ဆိုးကြီးရဲ့ အစပိုင်းပါပဲ။

တကယ်တမ်း အိုမာ မာတီဟာ အစ္စလာမ်မစ်နိုင်ငံတော် (အိုင်အက်စ်)ရဲ့ စစ်သွေးကြွပဲဖြစ်ဖြစ်၊ ကိုယ်တိုင် အစွန်းရောက်သမားပဲဖြစ်ဖြစ်၊ ဒါမှမဟုတ် သေနတ်လိုင်စင်ရ စိတ်ကြောင်နေသူတစ်ဦးပဲ ဖြစ်ဖြစ်၊ သမိုင်းမှာ အဆိုးရွားဆုံး လူအစုလိုက်ပစ်ခတ်မှု ဖြစ်ခဲ့သူဟာ  အမေရိကန်-မူဆလင် တစ်ဦး ဖြစ်နေခြင်းပါပဲ။

အော်လန်ဒို ပစ်ခတ်မှုဖြစ်ပြီး တနင်္ဂနွေနေ့ မနက်မှာ ကျွန်တော့်ရဲ့ အမေရိကန် မူဆလင်အတော်တော်များက သူတို့ရဲ့ လူမှုကွန်ရက် စာမျက်နှာတွေပေါ်  စိတ်ကသိ ကအောင့်ဖြစ်ရတဲ့ မတ်ဆေ့ခ်ျတွေ တင်ကြတယ်။ မိုဟာမတ်အလီ သေဆုံးတဲ့ သတင်းကနေ အခု နောက်ဆုံး ဖြစ်ခဲ့တဲ့ အကြမ်းဖက်တိုက်ခိုက်မှု အထိပေါ့။ “သူဟာ ကျွန်တော်တို့ကို ကိုယ်စားမပြုဘူး။ သူ့ကိုသူလည်း မူဆလင်လို့ မပြောသင့်ဘူး။” ဆိုပြီး အများစုက ရေးကြတယ်။ အခုလို ချက်ချင်း ရှုံချတာမျိုး၊ လူမှုမီဒီယာတွေအပေါ် လှုပ်ရှားလာကြတာဟာ အပြန်အလှန် ဆက်နွယ် ပတ်သက်နေတဲ့ သတင်းရပ်ဝန်းရဲ့ ကနေဦး ခြေလှမ်းတခုပေါ့။

ကျွန်တော်တို့ လေ့လာမှတ်သားခဲ့ရတဲ့ လူနည်းစုတွေရဲ့ သမိုင်း လိုပါပဲ၊ အချင်းချင်း လက်တုံ့ပြန်မှုတွေ၊ သွေးခွဲဆက်ဆံမှုတွေနှင့် ဖမ်းဆီးချုပ်နှောင်မှုတွေက အမေရိကန် အသိုင်းအ၀ိုင်းမှာ ဘယ်အချိန်မဆို ထဖြစ်နိုင်တယ် ဆိုတာပါပဲ။  ဘာပဲပြောပြော၊ အလှည့်ပြောင်းတွေကို ကျော်လွှားဖို့ ကြိုးစားတာ အကောင်းဆုံးပါပဲ။

အခုလို ဟတ်ခ်ျဆိုင်း (#) သင်္ကေတများဖြင့် သွေးစည်း ညီညွတ်မှုကို ပြသလာကြတဲ့အချိန်မှာ ကျွန်တော်တို့ရဲ့ ပြောနိုင်ဆိုနိုင်မှုတွေကို ကန့်သတ်ထားတဲ့ အပိုင်းနှင့် ပတ်သက်လို့ ထိလွယ် ရှလွယ်ကိစ္စရပ်တွေကို ညှိနှိုင်းဆွေးနွေးကြမယ့် စကားဝိုင်းတွေ လုပ်နိုင်ဖို့ မျှော်လင့်တယ်။ သူတို့ တင်တဲ့ ပိုစ့်တွေထဲမှာ၊ လိင်တူ ချစ်သူ အသိုင်းအ၀ိုင်းအပေါ် ကရုဏသက်မှုတွေ၊ သူတို့နှင့် အတူ သွေးစည်း ညီညွှတ်မှု ရှိကြောင်း ပြတဲ့ အပြုအမှုတွေကို တွေ့ခဲ့ကြတယ်။ ဒါပေမယ့် ပို့စ်တွေရဲ့ နောက်ကွယ်မှာတော့ လိင်တူချစ်သူ အခွင့်အရေးနှင့် ပတ်သက်တဲ့ နုတ်ဆိတ်နေတဲ့ သမိုင်းတခုတော့ ရှိနေတယ်။

ကျွန်တော်ဟာ NRP ရဲ့ “အရာရာတိုင်းကို တန်ဖိုးထားရမယ်” အစီအစဉ်တွင် အယ်ဒီတာနှင့် ထုတ်လုပ်သူ အဖြစ် (၈) နှစ်လောက် တာဝန်ယူခဲ့တယ်။ အပတ်စဉ်တိုင်းမှာ မူဆလင် အကြမ်းဖက်မှုတခုကို ဥပမာထားပြီး သိသာသာ ကွဲပြားနေတဲ့ အမြင်တွေ၊ အဆက် အစပ်တွေကို ဆွေးနွေးစေခဲ့တယ်။ မူဆင်လူမျိုး ပြုပြင်ပြောင်းလဲရေး သမားတွေနှင့် မူဆလင် လစ်ဘရယ်ဝါဒီတွေကို အသံတွေကို အဓိက ဇောင်းပေးဖော်ပြခဲ့ပြီး ကျွန်တော်တို့အကြား ကွာဟနေတဲ့ ချောက်ကမ်းပါးကြီးကို ပြန်စေ့နိုင်မည့် မျိုးဆက်တခုအပေါ် ကျွန်တော် အကောင်းမြင်ခဲ့တယ်။ ဒါပေမယ့် ကျွန်တော်တောင် ကျွန်တော် ကိုးကွယ်ယုံကြည်မှုနှင့် ကျွန်တော့် လိင်အယူအဆကို တထပ်တည်းကျအောင် လုပ်နိုင်ဖို့ တကိုယ်တော် ရုန်းကန် ကြိုးစားခဲ့ရတယ်။

ကျွန်တော် ကြီးပြင်းလာတဲ့အချိန် ချစ်ခြင်းမေတ္တာနှင့် ပတ်သက်ပြီး ဘယ်လမ်းကို လိုက်ရမလဲ ဆိုတဲ့အပေါ် စံပြုနိုင်လောက်တဲ့ မူဆလင်ပုံစံ၊ ဒါမှမဟုတ် အလင်းပြပေမယ့် အရာ ဆိုလို့ ဘာဆိုဘာမျှ မရှိခဲ့ဘူး။ အိုဘားမား အစိုးရလက်ထက်မှာ လိင်တူ ချစ်သူများ အခွင့်အရေးနှင့် ပတ်သက်ပြီး ကျယ်ကျယ်ပြန့်ပြန့် လက်ခံလာကြပေမယ့် တိုးတက်တဲ့အမြင် ရှိကြပါတယ် ဆိုတဲ့ မူဆလင်တွေတောင် တွေဝေနေကြတုန်းပါပဲ။ လိင်တူချင်း လက်ထပ်မှုကို ထောက်ခံအားပေးတဲ့ ဘာသာရေးဆိုင်ရာ ပညာရှင် ရီဇအဆလင်နှင့် လူရွှင်တော် ဟာဆန်မင်ဟတ်ရဲ့ အိတ်ဖွင့်ပေးစာဟာ ကျွန်တော်ဖတ် နေ့စဉ်သတင်းတွေထဲမှာ  ဆွေးနွေးငြင်းခုံစရာနှင့် သောကပွားစရာ အဖြစ် ထိပ်ဆုံးမှ နေရာယူထားခဲ့တယ်။ “အစ္စလာမ်ဘာသာက ကျွန်တော်တို့ကိုိ လက်ခံယုံကြည်ဖို့ သင်ပေးတယ်။ ဒါပေမယ့် လိင်တူချစ်သူတွေအတွက် အကောင်းဆုံး နည်းလမ်းကတော့ အိမ်ထောင်မပြုဘဲ နေတာပါပဲ။ မှားတာကတော့ မှားတာပါပဲ” ဟု တယောက်က ရေးလာခဲ့တယ်။

မူဆလင်အသိုင်းအ၀ိုင်းမှာ အစဉ်အလာ လက်ထပ်ထိမ်းမြားခြင်းဆိုတာ ဘာသာအပေါ် ယုံကြည်သက်ဝင်မှု၏ အဓိက အကြောင်းအရင်းခံပါပဲ။ မင်္ဂလာဆောင် အခမ်းအနားတွေ၊ စေ့စပ်ပွဲတွေနဲ့ မိသားစုအလိုက် ပျော်ပွဲစားထွက်ကြတာတွေကို လွှတ်လပ်စွာ လုပ်ခွင့် ပေးထားပါတယ်။  အကြမ်းဖက် တိုက်ခိုက်ခံရတဲ့ ခေတ်မှာ ကျွန်တော်တို့ဟာ လိင်တူ တက်ကြွလှုပ်ရှားသူတွေအပေါ် နိုင်ငံသား အခွင့်အရေး အပြည့်အ၀ ကာကွယ်ပေးဖို့ နိုင်ငံရေးဆိုင်ရာ ရည်မှန်းချက်တွေအပေါ် တူညီမှုရှိကြပေမယ့် ကျွန်တော်တို့ရဲ့ အယူအဆတွေဟာ ဆင်ခြင်တုံတရားအပေါ်မှာ အခြေမခံထားသလို နက်နက်ရှိုင်းရှိုင်းဆက်နွယ်ထားခြင်းလည်း မဟုတ်ပါဘူး။ ဒီနေရာမှာ အထူးအရေးကြီးတဲ့ ကိစ္စတခုက လိင်တူဆက်ဆံကြသည့် မူဆလင်ယောင်္ကျားတွေလို့ သိသွားကြရင် သူတို့ကို အသိုင်းအ၀ိုင်းမှာ ဖယ်ထုတ်လိုက်ကြတာပါပဲ။ ဒါပေမယ့် ဒီလို အော်လန်ဒိုမှာ တိုက်ခိုက်မှုတွေ ဖြစ်လာတဲ့အချိန်မှာ ကျွန်တော်တို့အနေနဲ့ ဒီလိုအပေါ်ယံ ဖြေရှင်းမှုတွေနှင့် မဖြစ်တော့ဘူးဆိုတာ သိလာခဲ့ကြတယ်။

ဘယ်ဘာသာတရားကမျှ လိင်တူချစ်သူများအပေါ် ချုပ်ခြယ်ကန့်သတ်ခွင့် မရှိပါဘူး။ ဘုရားသခင်၏ အလိုတော်အတိုင်း ဆိုပြီး လိင်တူ ချစ်သူ အမျိုးသား၊ အမျိုးသမီးများပေါ် ဖယ်ကြဉ်ထားခြင်းနှင့် မတော်မတရား ပြုမှု ကျင့်ကြံမှုတွေဟာ ယုံကြည် သက်ဝင်သူများအကြား စိတ်မချမ်းမြေ့စရာ အမှန်တရားတခု ပါပဲ။ ဒါပေမယ့် ကျွန်တော်တို့ရဲ့ အပြစ်တွေကို ဆင်ခြေပေးဖို့  ဒါတွေဟာ အကြောင်းပြချက် မဟုတ်ပါဘူး။ အိုမာ မာတီးဟာ သူ့ယုံကြည်မှုကြောင့် ဖြစ်လာတဲ့ အမုန်းတရားကြောင့် ဂေးကလပ်တခုကို ဒရကြမ်း ပစ်ခတ်ခဲ့တယ်။ သူတို့ရဲ့ လုံခြုံတဲ့ ကမ္ဘာလေးမှာ သူတို့ချစ်တဲ့သူတွေ၊ သူတို့ကို ချစ်တဲ့သူတွေကိုနှင့် ပျော်မြူးနေကြတဲ့ အမေရိကန်တွေကို အိုမာ မာတီးက သေနတ်နှင့် ပစ်သတ်ပြီး အစုအလိုက် အပြုံလိုက် သတ်ဖြတ်လိုက်တယ်။ ဒီသတ်ဖြတ်မှုဟာလည်း မူဆလင်တတွေ အထွတ် အမြတ်ထားတဲ့ မြင့်မြတ်တဲ့ လ၊ ရာမဒမ် လ မှာ ပြုလုပ်လိုက်တာ ဖြစ်တယ်။ အမုန်းတရားကို မျက်နှာဖုံးစွပ်ပြီး ကိုယ့်အတ္တကို ဖွင့်ထုတ် လိုက်တာ ဖြစ်တယ်။ သေနတ်ဖြင့် အကြမ်းဖက်ပစ်သတ်မှု၊ စိတ်ဝေဒနာရှိမှုနှင့် ရူးကြောင်မူးကြောင် အိုင်ဒီယိုလော်ဂျီများကို ရောမွှေထားသည့် အဆိပ်တက်မှုကြောင့် ဖြစ်ပွားခဲ့တဲ့ ပေါ့နိုက်ကလပ် အကြမ်းဖက်မှုဟာ အမေရိကန်တွေအတွက် ခြိမ်းခြောက်မှုတခုပါပဲ။

ကျွန်တော်တို့အနေနဲ့ လက်ရှိနိုင်ငံရေး ရာသီမှာ အလွယ်တကူ ဖြစ်လာနိုင်တဲ့ မူဆလင်ဆန့်ကျင်ရေး လုပ်ရပ်တို့ကို ဆန့်ကျင်ဖို့ လိုအပ်ပါတယ်။  မူဆလင် ဘာသာဝင်တွေအတွက် အခုလို လိင်တူအခွင့်အရေးကို ဦးစားပေးတဲ့ နိုင်ငံ၊ တန်းတူလက်ထပ်ထိမ်းခြားမှု အမှန်တကယ်ပေးတဲ့ နိုင်ငံ၊ အများနှင့် သဟဇာတကျကျ ယှဉ်တွဲ နေထိုင်နိုင်ရေးဟာ တခုတည်းသော နည်းလမ်းဖြစ်တယ်လို့ သတ်မှတ်ထားတဲ့ နိုင်ငံမှာ နေထိုင်ခြင်းအား  ကျွန်တော်တို့အနေနဲ့ ဘယ်လိုခံစားရသလဲ ဆိုတာကို အလေးအနက် သုံးသပ်ရမည့် အချိန်ပါပဲ။

သူရဲ့ တယောက်တည်း ဆဲလ်ဖီဆွဲတဲ့ ပုံတွေ၊ စိတ်လေးလံနေတဲ့ပုံစံ ရိုက်ထားတဲ့ ဓာတ်ပုံတွေကို သတင်းမှာ တွေ့လိုက်ရတဲ့ အချိန်မှာ ကျွန်တော်အနေနဲ့ အိုမာ မာတီဟာ စိတ်မနှံသူ တဦးလား၊ ဒါမှမဟုတ် စိတ်ပိုင်းဆိုင်ရာအရ ထိလွယ်ချလွယ်သူ တဦးလားဆိုသည်ကို မဝေခွဲတတ်ပါဘူး။ လိင်တူ အမျိုးသားနှစ်ဦး နမ်းရှုပ်နေတဲ့ ပုံက သူ့ကို အစုအလိုက် အပြုံလိုက် သတ်ဖြတ်ဖို့ တွန်းအားပေးခဲ့လေသလား ဆိုတာကိုလည်း ကျွန်တော် နားမလည်ပါဘူး။ ကျွန်တော် သိလိုက်ရတဲ့ အချက်တချက်က ကျွန်တော်တို့အနေနှင့် ဒီတနိုင်ငံတည်းမှာသာ ရှိတဲ့ အပြန်အလှန် ပေါင်းစပ်ရောမွှေထားတဲ့ ပဒေသာစုံ လူ့အဖွဲ့အစည်းကို  လက်ခံနိုင်အောင်  လူအဖွဲ့အစည်းများအကြားတွင် စိတ်ပိုင်းဆိုင်ရာအရရော၊ နိုင်ငံရေးအရ၊ ဘာသာရေး အရ မတည်ဆောက်နိုင်ဘူး ဆိုရင် ဒီထက်ဆိုးတဲ့ မှောင်မိုက်တဲ့ နေ့ရာတွေဟာ ရှေ့မှာ အသင့်စောင့်ဆိုင်းလျက် ရှိနေပါတယ်။

၂၀၁၆ ခုနှစ်၊ ဇွန်လ ၁၃ ရက်နေ့က The New York Times တွင် ဖော်ပြခဲ့သော Bilal Qureshi ၏ The Muslim Silence on Gay Rights ကို ညိုထက်အောင်က ဆီလျော်အောင် ဘာသာပြန်ဆိုပါသည်။

မူရင်း - http://www.nytimes.com/2016/06/13/opinion/the-muslim-silence-on-gay-rights.html?ref=international&_r=3

Photo: A vigil in Seattle honoring the victims of the shooting in Orlando, Fla
Lindsey Wasson/The Seattle Times, via Associated Press