သံတွဲမြို့နယ် အတူးကျေးရွာအုပ်စု၊ ကျေးရွာ လမ်းမပေါ်ရှိ ရေတွင်းကို
သန့်ရှင်းရေးလုပ် အညစ်အကြေးများ ဆည်ယူရာမှ အသက်ရှုကျပ်ပြီး လူ ၅ ဦး
သေဆုံးခဲ့ကြောင်း သိရပါတယ်။
ဖြစ်စဉ်မှာ ယမန်နေ့ ဇန်န၀ါရီ ၉ ရက်နေ့ မနက် ၉ နာရီခွဲအချိန်ခန့်မှာ
ရွာလယ်လမ်းမပေါ်ရှိ အနက်ပေ ၃၃ ပေ၊ အကျယ် ၄ ပေခန့် ရှိတဲ့ ရေတွင်းကို ဒေသခံ
၂၀ ဦးက စုပေါင်းစက်နှင့် ရေတွင်းသန့်ရှင်းရေး လုပ်ရာ တွင်းထဲမှ
အညစ်အကြေးများကို ဆည်ယူဖို့ ပထမဦးဆုံး တစ်ဦး ဆင်းသွားပြီး ၎င်းမှာ
အသက်ရှုမ၀ဖြစ်လာကာ သတိလစ်မေ့မျော သွားရာ နောက်ထပ် ၄ ဦးက ကယ်ဆယ်ရန် ထပ်မံ
ဆင်းရာမှ ၅ ဦးစလုံးမှာ အသက်ရှုရပ်တန့် သေဆုံးခဲ့ခြင်းဖြစ်ကြောင်း
သံတွဲမြို့မရဲစခန်းက RiA ကို အတည်ပြု ပြောကြားပါတယ်။
အဆိုပါ
သေဆုံးသူ ၅ ဦးမှာ အတူးကျေးရွာနေ ရဲမင်းထွန်း (ဘ) ဦးမောင်ညီ ၊ ကျော်ဝင်း
(ဘ) ဦးဖြူစော ၊ မောင်ချမ်းသာ (ဘ) ဦးတင်အေး ၊ အောင်တင်ဝင်း (ဘ) ဦးတင်အေး ၊
စိုးမင်းပိုင် (ဘ) ဦးကျော်တင် တို့ဖြစ်ကြောင်း သိရပါတယ်။
ေ
သဆုံးမှုနဲ့ ပတ်သက်ပြီး ရေတွင်းမှာ ကျဉ်းမြောင်းပြီး အလွန်နက်တဲ့အပြင်
ရေစုတ်ယူတဲ့ မီးစက်ကို တွင်းရဲ တ၀က်မှာ ကြိုးချည်ထားပြီး
စက်နိုးထားတာကြောင့် ၎င်းမှ ထွက်ရှိတဲ့ ကာဗွန်ဒိုင်အောက်ဆိုဒ်
ဓာတ်ငွေ့များကြောင့် အသက်ရှုကျပ် မေ့မျောသွားခြင်း ဖြစ်နိုင်ကြောင်း
ဒေသခံများက သုံးသပ်ကြပါတယ်။
0 comments:
Post a Comment