စစ်တွေ၊ စက်တင်ဘာ ၂၄ ရက်။ ရခိုင်ပြည်နယ် နယ်စပ်ဒေသ မြို့နယ်များဖြစ်သည့် ဘူးသီးတောင်နှင့် မောင်တောမြို့နယ်မှ အဆောက်အဦ သုံးထောင်ကျော်ကို တရားမ၀င်မှုဖြင့် ဖျက်သိမ်းမည့် ကိစ္စကို ယခုလောလောဆယ်တွင် အကောင်ထည်ဖော်မည် မဟုတ်ဘဲ စီစစ်ဆောင်ရွက်နေဆဲသာဖြစ်ကြောင်း နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီး ထိန်လင်းက ပြောသည်။
“တရားမဝင် အဆောက်အဦးများရဲ့ကိစ္စ အ၀၀နဲ့ ပတ်သက်ပြီးတော့ စိစစ်ဆောင်ရွက်ဖို့အတွက် ဖွဲ့စည်းထားပြီးဖြစ်ပါတယ်။ ပြည်နယ်အဆင့်မှာ ဖွဲ့ထားပြီးသလို ခရိုင်မြို့နယ် အဆင့်တွေကိုလည်း ဖွဲ့ရမှာဖြစ်ပါတယ်။ တရားမဝင် အဆောက်အဦးတွေနဲ့ ပါတ်သက်ပြီးတော့လည်း အမျိုးအစားအလိုက် နေရာအလိုက် စိစစ်ဆောင်ရွက် သွားမှာဖြစ်ပါတယ်။”
မောင်တောခရိုင်မှ အစ္စမ်လမ်ဘာသာဝင်တို့၏ ဘာသာရေးနှင့် အခြားအဆောက်အဦတို့ ဖြိုဖျက်မည့် သတင်းနှင့် ပတ်သက်၍ ဒေသခံများအနေနှင့် စိုးရိမ်နေမှုများရှိမှု အပေါ် ယနေ့ စက်တင်ဘာ ၂၄ ရက်နေ့၊ ရခိုင်ပြည်နယ် အစိုးရအဖွဲ့ရုံးတွင် ပြုလုပ်ခဲ့သည့် သတင်းစာရှင်းလင်းပွဲ၌ ဗိုလ်မှူးကြီး ထိန်လင်းက ပြောကြားခဲ့ခြင်း ဖြစ်သည်။
ပြည်နယ်လူဝင်မှု ကြီးကြပ်ရေးဌာန၏ စာအရင်း အချက်အလက်များ အရ မောင်တော ခရိုင်အတွင်း တရားမ၀င် အဆောက်အဦးများ အဖြစ် ဗလီ ၁၂ လုံး ၊ အာရ်ဗီကျောင်း ၃၅ ကျောင်း ၊ လူနေအိမ် ၂၅၄၃ ဆောင်၊ ဈေးဆိုင်ခန်း ၆၀၄ ခန်းနှင့် အခြားအဆောက်အဦး ၁၃၂ ခု၊ စုစုပေါင်း ၃၃၂၆ မှာ ဖျက်သိမ်းရမည့် အဆောက်အဦးများ ဖြစ်သည်။
“မြို့နယ်၊ ခရိုင်အဆင့်က တင်ပြလာတဲ့ အဆောက်အဦးတွေက တော်တော်လေကို များပြားနေတယ်။ ဒါတွေကိုကြည့်လိုက်တော့လည်း ဒါတွေဟာ လယ်မြေတို့၊ ဥယျာဉ်တို့၊ စားကျက်တို့၊ ကြိုးဝိုင်းသစ်တော တို့လိုနေရာေ
တရားမ၀င် အဆောက်အဦးများ ဖြိုဖျက်နိုင်ရန်အတွက် စက်တင်ဘာ ၁၈ ရက်နေ့က မောင်တောမြို့နယ်၊ အထွေထွေ အုပ်ချူပ်ရေးရုံးတွင် အစည်းအဝေး တစ်ရပ်ပြုလုပ်ခဲ့သည်။
အစည်းအဝေးကို ပြည်နယ် အစိုးရ အဖွဲ့ဝင်များ၊ ပြည်နယ်လုံခြုံရေးနှင့် နယ်စပ်ရေးရာ ၀န်ကြီးဌာန၊ ပြည်နယ်ဥပဒေချူပ်၊ ဌာနဆိုင်ရာ အဖွဲ့အစည်းများ၊ မောင်တောခရိုင်ရှိ အစ္စလမ်ရပ်ကွက် ကျေးရွာ အုပ်ချူပ်ရေးမှူးတို့ တက်ရောက်ခဲ့ပြီး တရားမ၀င် အဆောက်အဦများကို ဖြိုဖျက်နိုင်ရန် အမိန့်ထုတ်ပြန်ချက်များ အဆင့်ဆင့် ရရှိရန် ကြိုးပမ်းသွားမည် ဖြစ်ကြောင်း ပြောကြားခဲ့သည်။
ယင်းနောက် ယနေ့ စက်တင်ဘာ ၂၄ ရက်နေ့တွင် အဆောက်အဦစာရင်းများကို ပြန်လည် စီစစ် သွားမည်ဖြစ်ကာ လောလောဆယ် ဖြိုဖျက်ရန် အစီစဉ်မရှိကြောင်း ဗိုလ်မှူးကြီး ထိန်လင်းက သတင်းမီဒီယာများကို ပြောသည်။
ရခိုင်နယ်စပ်ရှိ တရားမ၀င်
အဆောက်အဦတချို့သည် ကျေးရွာအဖြစ် တည်ရှိနေရာ ၎င်းတို့ကို ပြည်ထဲရေးဌာနမှ
အသိအမှတ်ပြု ကျေးရွာများ ဖြစ်လာစေရန် အစီစဉ်များလည်း ရှိကြောင်း
ရှင်းလင်းပွဲအရ သိရသည်။
--
--
သတင်းဓာတ်ပုံ - မင်းမျိုးနွယ်/RiA
0 comments:
Post a Comment