မောင်တောမြို့ လျှပ်စစ်ရရှိရေး ၂၀၁၆-၂၀၁၇ ဘဏ္ဍာရေးနှစ် ဖြည့်စွက် ရန်ပုံငွေတွင် လျာထားတောင်းခံသွားမည်

ဇူလိုင် ၃၀ ရက်

ရခိုင်ပြည်နယ်၊ မောင်တောမြို့ရှိ လျှပ်စစ်ဌာနအတွက် တစ်လ လိုအပ်မည့်စက်သုံးဆီ ဒီဇယ်ဆီ ဂါလံ(၂၂၆၀)ဝန်း ကျင်အား ခွင့်ပြုပေးနိုင်ရန် အတွက် ၂၀၁၆-၂၀၁၇ ဘဏ္ဍာရေးနှစ် ဖြည့်စွက်ရန်ပုံငွေတွင် ဘတ်ဂျက် လျာထား ထည့်သွင်းပြီး တောင်းခံသွားမည်ဖြစ်ကြောင်း လျှပ်စစ်နှင့် စွမ်းအင် ဝန်ကြီးဌာနမှ ပြည်ထောင်စုဝန်ကြီး ဦးဖေဇင်ထွန်းက ပြောဆိုလိုက်သည်။


ရခိုင်ပြည်နယ် မဲဆန္ဒနယ်အမှတ်(၇)မှ အမျိုးသား လွှတ်တော် ကိုယ်စားလှယ် ဦးကျော်သိန်းက ဇူလိုင် ၂၉ ရက်တွင် ကျင်းပသည့် ဒုတိယအကြိမ်အမျိုးသားလွှတ်တော်၊ ဒုတိယပုံမှန်အစည်းအဝေး(စတုတ္ထနေ့) တွင် မေးမြန်းမှု ကို ပြည်ထောင်စုဝန်ကြီး ဦးဖေဇင်ထွန်းက ပြန်လည်ဖြေကြားခဲ့ခြင်းဖြစ်သည်။

“ဒီဇယ်နဲ့ ဓာတ်အားပေးထားသောမြို့များကို လစဉ် ဆီခွဲဝေထောက်ပံ့မှုများဟာ နှစ်အလိုက်ဘတ်ဂျက်ရရှိမှု အ ပေါ်မူတည်ပြီး ပြုလုပ်ဆောင်ရွက်ရပါတယ်။ မောင်တောမြို့ဟာဆိုရင် ဌာနကလက်ရှိ ဒီဇယ်ဆီထောက်ပံ့ပေးနေ တဲ့ မီးပေးချိန်အများဆုံးမြို့ဖြစ်ပါတယ်။ ထပ်မံပြီး တစ်လကို ဒီဇယ်ဆီဂါလံ(၂၂၆၀)ဝန်းကျင်ကို ခွင့်ပြုပေးနိုင်ရန် အတွက်၂၀၁၆-၂၀၁၇ ဘဏ္ဍာနှစ်ရဲ့ ဖြည့်စွက်ရန်ပုံငွေမှာ ဘတ်ဂျက်လျာထားပြီး ထည့်သွင်း တောင်းခံသွားမှာ ဖြစ်တယ်။” ဟု ပြည်ထောင်စုဝန်ကြီး ဦးဖေဇင်ထွန်းကပြောသည်။

ရခိုင်ပြည်နယ်၊ မောင်တောမြို့အား လျှပ်စစ်ဌာနမှ (၅၀၀)ကေဗွီအေ(Perkins)မီးစက်(၁)လုံးနှင့် (၃၀၀)ကေဗွီ အေ(Common)မီးစက်(၁)လုံးတို့ဖြင့် နေ့စဉ် ညနေ(၆)နာရ်ီမှ ည(၁၁)နာရီထိ  ဓာတ်အားဖြန့်ဖြူးပေးလျက်ရှိပြီး ရပ်ကွက် တိုးချဲ့လာမှုနှင့် မီးသုံးစွဲလာသူတိုးတက်လာခြင်းကြောင့် (၁၀၀၀)ကေဗွီအေ(သို့မဟုတ်)(၅၀၀)ကေဗွီ အေ မီးစက်(၁)လုံးဆောင်ရွက်ပေးရန် မောင်တောမြို့၊ မီးလင်းရေးကော်မတီမှ တင်ပြတောင်းခံခဲ့ရာတွင် ပြည် နယ်အစိုးရမှ (၁၀၀၀)ကေဗွီအေ(Perkins)မီးစက်(၁)လုံးအား ကျောက်ဖြူမြို့မှ သယ်ယူသုံးစွဲခွင့်ပြုခဲ့ကြောင်း ပြည်ထောင်စုဝန်ကြီး ဦးဖေဇင်ထွန်းကပြောသည်။

“ရခိုင်ပြည်နယ်၊ မောင်တောမြို့ လျှပ်စစ်ဌာနအတွက် တစ်လလိုအပ်မည့် စက်သုံးဒီဇယ်ဆီဂါလံ(၂၂၆၀)ခန့် ခွင့် ပြုပေးနိုင်ရန် အစီအစဉ်ရှိ၊ မရှိကိုမေးမြန်းရခြင်းဖြစ်ပါတယ်”ဟု ရခိုင်ပြည်နယ်မဲဆန္ဒနယ်အမှတ်(၇)မှ အမျိုးသား လွှတ်တော်ကိုယ်စားလှယ် ဦးကျော်သိန်းကပြောသည်။

ပြည်နယ်နှင့် တိုင်းဒေသကြီးအသီးသီးတွင် ဒီဇယ် ဓာတ်အားပေးစက်ဖြင့် ဓာတ်အားပေးနေသည့်မြို့(၂၆၁)မြို့ ရှိပြီး တစ်ရက်လျှင်(၄)နာရီ ဓာတ်အားပေးထားသည့်မြို့ပေါင်း (၁၇)မြို့သာ ရှိကာ မီးပေးချိန်(၂)နာရီသာ ဓာတ် အားပေးနိုင်သည့်မြို့မှာ (၁၀၀) ဝန်းကျင်နှင့် ကျန်မြို့များမှာ (၃)နာရီဝန်းကျင်သာ ဓာတ်အားပေးနိုင်ကြောင်း လျှပ် စစ်နှင့် စွမ်းအင်ဝန်ကြီးဌာနမှ သိရသည်။

တစ်ရက်လျှင် (၄)နာရီဓါတ်အားပေးထားသည့်မြို့များမှာ လုံခြုံရေးနှင့် နိုင်ငံရေးအခြေအနေများအရ အရေးကြီး သည့် မြို့များဖြစ်ခြင်းကြောင့် တစ်ရက်လျှင် လျှပ်စစ်ဌာနမှ(၄)နာရီစာ ဒီဇယ်ဆီ ပံ့ပိုးပေးထားခြင်းဖြစ်ကြောင်း သိရသည်။

WP/MMK