ရက္ခိုင့်တပ်မတော် ရဲဘော် ၂ ဦး တောင်ကုတ်တွင် ဖမ်းဆီးခံရ

တောင်ကုတ်၊ ဇန်န၀ါရီ ၉ ရက်

ရက္ခိုင့်တပ်မတော် Arakan Army (AA) ရဲ့ တပ်မတော်သား ၂ ဦးကို ယမန်နေ့က တောင်ကုတ်မြို့နယ်တွင် ဖမ်းဆီးခဲ့ကြောင်း သိရပါတယ်။

ဖမ်းဆီးခံခဲ့ရသူ တပ်မတော်သား ၂ ဦးရဲ့ ရာထူးနှင့် ပတ်သက်ပြီး RiA က အတည်ပြုရန် ကြိုးစားနေပြီး ၎င်းတို့ ၂ ဦးကို အောင်သစ္စာ အဝေးပြေးယာဉ်ကနေ နယ်မြေခံရဲတပ်ရင်းက သတင်းအရ ဖမ်းဆီးခဲ့ခြင်းဖြစ်ကြောင်း သိရပါတယ်။

RiA ရဲ့ သတင်းရင်းမြစ်များအရ အဆိုပါ အောင်သစ္စာ အဝေးပြေးယာဉ်ပေါ်တွင် AA ရဲ့ တပ်မတော်သား ၄ ဦး စီးနင်းလိုက်ပါလာပြီး ၂ ဦးကို ဖမ်းမိခဲ့ခြင်းဖြစ်ကာ ကျန် ၂ ဦးမှာ လွတ်မြောက်သွားကြောင်း၊ ဖမ်းမိခံခဲ့ရသူ ၂ ဦးမှာ မင်းပြား မှ ၁ ဦးနှင့် ကျောက်တော်မြို့နယ်မှ ၁ ဦး ဖြစ်ကြောင်း သိရပါတယ်။

“ဖမ်းတာက မနေ့က ဖမ်းတယ်လို့ သိရပါတယ်။ ဒီနေ့မနက်ပိုင်းမှာ သူတို့နှစ်ယောက်ကို ရုံးထုတ်လာပါတယ်။ တရားရုံးတင်ပြီးတော့ မျက်နှာတွေကို ပုဝါနဲ့ချုပ်ပြီးတော့ အစိုးရတပ်က တပ်မတော်သုံးကားနဲ့ တပ်ထဲကို ခေါ်သွားတာကို တွေ့လိုက်ပါတယ်။ ဘယ်ရာထူးလဲ၊ ဘယ်သူတွေလဲဆိုတာကိုတော့ မသိရသေးဘူး။” RiA ရဲ့ ခိုင်လုံတဲ့ သတင်းရင်းမြစ်က ဆိုပါတယ်။

ဖမ်းဆီးခံထားရတဲ့ AA တပ်မတော်သား ၂ ဦးကို ဒီကနေ့ ဇန်န၀ါရီ ၉ ရက်နေ့ မနက် ၁၀ နာရီခန့်အချိန်မှာ တောင်ကုတ်မြို့နယ် တရားရုံးတွင် ရုံးတင် စစ်ဆေးခဲ့ပြီး ၁၁ နာရီခွဲခန့်အချိန်တွင် အစိုးရတပ်မတော်သုံးယာဉ်နှင့် ပြန်လည် ခေါ်ဆောင်သွားကြောင်း သိရပါတယ်။

ဒီကနေ့ ဇန်န၀ါရီ ၉ ရက်နေ့ဟာ စနေနေ့ဖြစ်ပြီး နိုင်ငံတော် ရုံးပိတ်ရက်ဖြစ်တာကြောင့် ဒီကနေ့မှာ ရုံးတင်စစ်ဆေးခဲ့တယ်ဆိုတာ ဥပဒေနှင့် သွေဖီနေတယ်လို့ တောင်ကုတ်မြို့နယ် ရှေ့နေများက ပြောပါတယ်။

အဆိုပါ ကိစ္စတွေနဲ့ ပတ်သက်ပြီး တောင်ကုတ်မြို့နယ် ရဲစခန်းကို RiA က ဆက်သွယ်မေးမြန်းခဲ့ပေမယ့် ပြန်လည် ဖြေကြားခြင်း မပြုခဲ့ပါဘူး။

ရက္ခိုင့်တပ်မတော်နှင့် အစိုးရတပ်များဟာ ရခိုင်ပြည်နယ်၊ ကျောက်တော်မြို့နယ်နှင့် မြောက်ဦးမြို့နယ် အနီးတ၀ိုက်များတွင် ၂၀၁၅ ခုနှစ် ဒီဇင်ဘာ ၂၈ ရက်နေ့ကနေ ဇန်န၀ါရီ ၄ ရက်နေ့ထိ ထိတွေ့တိုက်ပွဲ ၁၅ ကြိမ်ထက်မနည်း ဖြစ်ပွားခဲ့ကြောင်း အစိုးရ တပ်မတော်မှ သတင်းထုတ်ပြန်ထားပြီး အဆိုပါ တိုက်ပွဲအတွင်း အစိုးရတပ်မတော်ဘက်မှ ၂၀၀ ဦးထက်မနည်း ကျဆုံးပြီး ၃၀၀ ထက်မနည်း ဒဏ်ရာရရှိခဲ့ကြောင်း ရက္ခိုင့်တပ်မတော်မှ သတင်းထုတ်ပြန်ထားပါတယ်။

 

ယမန်နေ့ ဇန်န၀ါရီ ၈ ရက်နေ့ အစိုးရပိုင် သတင်းမီဒီယာတွေဖြစ်တဲ့ မြန်မာ့အလင်း၊ ကြေးမုံနှင့် မြန်မာ့အသံ၊ မြ၀တီရုပ်မြင်သံကြားများမှ ရက္ခိုင့်တပ်မတော်ကို အပြီးတိုင် ချေမှုန်းသွားမယ်လို့ ထုတ်ပြန်ခဲ့သလို ရက္ခိုင်တပ်မတော် Arakan Army ဘက်ကို စွပ်စွဲထားတဲ့ ဒေသခံများကို ပေါ်တာဆွဲ ဖမ်းဆီးမှုများ ရှိနေတယ်ဆိုတာနှင့် ပတ်သက်ပြီးတော့လည်း AA က ငြင်းဆိုထားတဲ့ ကြေညာချက်တစ်စောင်ကို ယမန်နေ့မှာပဲ ထုတ်ပြန်ခဲ့ပါတယ်။